Birte- og Immustund

Birte- og Immustund er þáttaröð með sögum og söng fyrir börn á leikskólaaldri. Viðfangsefnin eru mjög fjölbreytt eins og sjá má af yfirlitinu hér að neðan. Meira má lesa um þá og tilurð þeirra neðst á síðunni.

Þættirnir

Amma og draugarnir

Tröllaþáttur

Hver borðar hvað?

Haustþáttur

17. júní

Umferðarklár

Krummastund

Söngstund

Jólastund

Á hestbaki

Kóngulær

Nornir

Krókódílar

Tilfinningar og litir

Hrekkjavaka

Með pabba í búð

Töfrarekinn Púff

Fiskar og krabbar

Ruggutönn

Heimurinn í okkur

Maríuhænur

Sjóræningjar

Draumar

Hænur

Allt sem er grænt

Skrýtnir tímar

Hvernig þættirnir urðu til

Í mars 2020 þegar samkomubannið vegna Covid skall á, stóðu leikskólar landsins skyndilega uppi með framandi skipulag sem þeir urðu að spila af fingrum fram. Þetta var skrýtið tímabil og við Imma upplifðum visst tómarúm og urðum að endurhugsa starfið og finna leiðir til að viðhalda neistanum. Við erum vanar að fara milli deilda og vera með sögustundir og söngstundir og við höfðum ríka þörf fyrir að viðhalda tengslunum við öll þau börn sem við vorum ekki að sjá vikum saman. Þess vegna fengum við þá hugmynd að nýta þá daga sem við vorum ekki í leikskólanum til að búa til þætti með samverustundum sem við settum svo á YouTube undir nafninu Birte- og Immustund.

Við höfum haldið áfram að búa til þættina eftir að Covid-tímanum lauk þótt í minna mæli sé enda höfum við fundið fyrir mjög jákvæðum viðbrögðum frá bæði börnum og foreldrum. Hluti þáttanna var gerður fyrir styrk frá Vísindasjóði FL og FSL.

Uppbygging

Hver þáttur inniheldur alltaf sögulestur og söng en þeir hafa verið mjög fjölbreyttir og meðal annars fjallað um drauma, tilfinningar, sjóræningja, krókódíla, mæríuhænur, galdra, ruggutennur, svo eitthvað sé nefnt. Við náðum að gera 10 þætti á meðan samkomubannið stóð yfir og síðan hafa þrír bæst við. Við erum með fleiri hugmyndir en vantar bara tíma :) .

Ástæðan fyrir því að við fórum þá leið að búa til myndskeið í stað þess að streyma beint til barnanna á Zoom-fundum eða álíka er annars vegar til að hægt sé að skoða efnið aftur og aftur þegar hverjum hentar og hins vegar vegna þess að við lögðum áherslu á frágang og framsetningu sem ekki er auðvelt að nostra við „live“. Þetta eru ekki hefðbundin leikskólalög eða upplestur á sögum, þannig að okkur fannst ástæða til að gera efnið sem aðgengilegast og mest aðlaðandi. Við erum mjög stoltar af útkomunni enda höfum við lagt margar klukkustundir í að vinna hvern einasta þátt.

Grein í Fréttablaðinu

Fréttablaðið skrifaði grein um stundirnar okkar sem kom út rétt um það leyti þegar leikskólarnir fengu aftur leyfi til að opna fyrir hefbundið starf. Fréttablaðið er reyndar ekki lengur til en greinina má enn lesa hér á archive.org.